Kya Mai NEET Clear Kar Paunga Agar Mera Medical Background Nahi Hai? (Hinglish)

‘Medical background se nahi aate ho, toh medicine mai succeed karna impossible hai’

‘Mom dad doctor hai? Fir toh kitna easy hoga tumhare liye NEET crack karna’

Hum sabhi ne humare preparation phase mai inn mai ek na ek cheez toh suni hi hai. Chalo pata karte hai ki inn baaton mai actually kitni sachai hai.

I’m your dost, your senior, the one jo tumhe sab essential and off-beat medical gyaan dene ke liye ready hai. Chalo discuss karna shuru karte hai.

Med Background ka Advantage? Phir se socho!

Yes, kuch aspirants ke parents doctors hote hai. But kya iska matlab yeh hai ki unke parents NEET masters bhi hai? BILKUL NAHI.

Kyu? NEET as an exam introduce hui hai 2019 mai, uske pehle AIPMT thi, uske pehle kuch aur. Point yeh hai ki it’s a new battle. NEET preparation mai sirf knowledge matter nahi karti hai. With the level of competition, exam pattern ko samajhna and issi pattern ke hisaab se padhna is the real task.

Parents ke era mai nahi exist karti thi yeh exam, isliye unhe iske pattern ka knowledge nahi hai.

NEET clear karne mai doctor parents koi extraordinary help nahi offer kar sakte hai.

MBBS study resources mai improvement:

Humare parents ne ek alag era mai padhai ki hai. Tabhi na mobile the, na online lectures, na mindmaps, aur na hi AI. Unki advised resources shayad unhe kaam aaye ho, but abhi hum uss era se kaafi aage aa chuke hai.

Humare pass itne resources hai ki hum online duniya ki sabhi information ko ek click par access kar sakte hai. Aise mai, instead of reading a book, kaafi log ek animated video dekhna prefer karege. Yeh zyada engaging bhi hoga, more explanatory than a book and retain bhi better hoga.

Parents ka experience toh obviously invaluable hai. But unki advise up to date ho yeh zaroori nahi. Mujhe lagta hai ki, with the advent of technology, hume naye resources ko explore karna chahiye without just being stuck on what our parents used.

Iss tarah se resources ke maamle mai toh advantage sabhi ke pass hai, sirf medical background wale students ke pass nahi.

Internships mai advantage?

Kuch kadwe sach:

Agar tumhe USMLE jaisi koi competitive exam deni ho toh fir tumhe sirf tumhare scores par nahi judge kiya jaata hai. Scores se zyada matter karta hai CV. Internships, research projects, volunteering: inn sabhi ki opportunities connections se zyada easily mil jaati hai.

Agar parents ka established clinic and hospital ho toh life as a doctor bhi kaafi easy hojaati hai. Parents se guidance lena, unhe shadow karna and unke experiences se seekna: yeh sab irreplaceable hai.

Connections and established clinics ke bina yeh sab karna? Mushkil hai, but namumkin nahi. Sirf networking and passion ka khel hai.

The Real Story

Full disclosure– I was non-med, just like you. And guess what? Ek saal mai hi NEET clear karliya maine. Mene itna importance diya hi nahi iss cheez kp, sirf background ki kami thi sapno ki thodi na thi.

Abhi lagta hai ki achi guidance mil jaati toh shayad aur behtar karti, par tumhe toh guidance ki bhi kami nahi hai. Hum haina.

Agar mai kar sakti hu toh tum bhi kar sakte ho. Just inn baaton ko chodo and goal par focus karo.

MBBS course bhi kaafi achese navigate karrahi hu, koi medical background ki zaroorat nahi padi.

FOMO hota hai kya?

Na toh nahi bol sakte hai. Mere kuch dosto ko already kaafi drugs pata the, pharmacology padhne ke pehle bhi. Meri knowledge sirf paracetamol aur digene tak limited thi.

Inn dosto ko patient interaction mai bhi anxiety nahi hoti, na hi unhe kuch surprising lagta hai. Aise times par feel hota hai, ki maybe mere bhi parents doctors hote toh mai bhi better kar paati.

But honestly, kabhi aisa nahi laga ki mai cope up nahi kar paarahi hu, just because mere parents doctors nahi hai.

The Non-Med Secrets

Ek alag perspective se dekha jaaye toh non-med ek advantage bhi hai. Humari approach zyada curious aur fresh hai.

Nayi cheezo ka shauq kise nahi hota hai. Sab naya hai, interesting hai. Bass dare bina padhte rehna hai. You will one day be the Doctor parent for your kid.

Diverse Backgrounds, One Goal

Chahe koi kahi se bhi ho, kisi bhi background se aata ho, at the end of the day, sabka ek hi goal hai: doctor banna. Med-background students ko shayad kuch advantages ho bhi MBBS mai, toh non-med students apna ek alag jazbaa laate hai.

Tumhari determination, perseverance, and tumhari will to succeed: yeh sab bohot bada role play karte hai. Agar kabhi bhi ek medical background ke support ki kami lage, toh khudke apne unique strengths and perspectives ke baare mai yaad dilana.

Conclusion

NEET ke naye pattern ke bais par, itna toh keh sakti hu ki NEET is 100% about your dedication, not your family’s history. Toh yeh sab baatein chodo, padhai karo and NEET crack karke dikhao.

Aaj ke liye itna hi! Khud par bharosa rakho and yeh bhi yaad rakhna that we’re all starting at the same line chahe dikhne mai voh kitni bhi uneven na ho.

Chalo then milte hai in our medical college. Jald hi aarahe ho na?